شو اللي بصير لما بحكو بالعربي ؟
كان في تغيير مهم في العيادة ، بالعادة الاب كان يقعد قدامي جمب الطاولة والأم كانت تقعد مع الولد ع الجانب . الام ما كانتش تشترك بالمحادثة بشكل مباشر ، بس الاب مرات كان يترجم لمرته بعض الكلام ، في نهاية الزيارة لما كنت اسال اذا في سوال او اشي مش واضح كانو يحكو فش .
اليوم واضح بالنسبة الي انو الأم لازم تشترك بعلاج ابنها بشكل مباشر لانو بالعادة هي اللي بتعالج الولد فعليًا وبتدير بالها علية . عشان هيك بطلب من النسوان انو يقعدوا قدامي جمب الطاولة وبسالهم بالذات اذا في سوال اشي مش مفهوم حتى ما تستحي تسال اي اشي وتفهم كيف لازم تعالج ابنها مية مية .
من ايمتا تاكدت اني بقدر احكي بالعربي لحالي مندون ترجمة ؟
مرّة دخلت لعندي ع العيادة مراة مع ابنها المريض ومع كمان ولد زغير، قالت لزوجها استنى برة مع الزغير وانا بدبر حالي مع الدكتورة ، اذا منكون بحاجة بناديك ، طبعًا ما ناديناهوش ، بنهاية الزيارة الأب كان حاسس حالو كانو اجا عالفاضي وصار يسال اسئلة ، طبعًا حكيناله كل اللي صار بالزيارة وشو وضع ابنه .
من هداك اليوم ثقتي باللغة ارتفعت والحمدلله اليوم بقدر اعمل زيارات بالعربي لحالي